من احلى ما قيل عن النبى كومن فتيات النبي، للكربلائي، اليكم كلماتها فهذا المقال:
(( قصيده فتيات النبي))
قومن فتيات النبى ، خيطن خيمجن عبي
هاى الزلم ما تظل ، باجر و راجن سبي
يالله استعدن لباجر هالليله كلش قصيرة
باجر زلمنا تسافر كلمن يروح المصيره
إنسن دلال الهواشم و إنسن صفات الأميرة
كل و حدة تلزم طفلها و لوذن اسيره بأسيرة
وبسرعه كون المشى ، احنا نسا و نختشي
لا يبقي عدجن امل ، باجر و راجن سبي
من هسة خلنا نفكر لمن تصير المسية
ليله تحامى رقيه و آنى علية البقية
من الشمر يعتنينى لا لا تطيحن عليه
خلنى و حدى السياطة لمن يقطع ايديه
باجر سياط الهضم ، خل تنزل اعلة العظم
خلى ابشر الكفل ، باجر و راجن سبي
ما ظل و كت يالحراير باجر تسافر زلمنا
باجر غطانا سحابه ناتج مداخن خيمنا
صيرن درع يا خواتى و آنا اشيلن علمنا
إحنا ثكالة و أرامل بالغربه من يحترمنا ؟
نصبغ و جهنا بدمة ، حتي العدو انوهمه
كلشى صفن محتمل ، باجر و راجن سبي
لا لا تلفظن اسامى خاف العدو يكتشفنا
يبقي يسب الغوالى يعرفها نقطه ضعفنا
كل غالى باجر نتركة ما كو اهم من شرفنا
واللى يطمئنا باجر كلش قريبه نجفنا
باجر حرب تستمر ، بين الخدر و الشمر
واقع صبح مو ك، باجر و راجن سبي
شوفن و جوة الغوالى ساعه و حفظن علايم
يختلف باجر شكلهم لمن تطيح العمايم
جثه تطيح اعلي جثه تلتم جسوم الهواشم
رمله يا ليلي تحيرن منهو على و منهو جاسم
كل الجثث تنسحق ، تقطع و تفترق
إنسن عتاب الأهل ، باجر و راجن سبي
مهد الطفل خل نبعدة شوفولة خيمه بعيدة
رمله بعد لا تهلهل شمع العرس ما نريده
لمن تشوفن كفيلى لحد تباوع لأيده
وابن امى باجر نشوفة سيف اليمزق و ريده
خل ننظر الرقبتة ، و قت الظهر ذبحته
ودعنة بس بالعجل ، باجر و راجن سبي
من هسة صيرن سبايا و آنا الحرس و الكفيلة
اتعلم اعلي الحراسه ما ظل و كت هيا ليلة
ما نشتكى من المنا ، من يسمع و نشتكى له ؟
أدرى علينا صعوبه و قصه سفرنا طويلة
باجر زند ينبتر ، باجر ظهر ينكسر
عالشاطى يوقع جبل ، باجر و راجن سبي
لو و حده باجر و لوها لازم تخف ابمشيها
خلها تنادى “يا زينب” اعلية تأشر بإيديها
حتي ايعرفنى و يجينى بلكت بعد ما يجيها
إختك يا راعى الكفاله كلها تدور عليها
يا و يلى و كت الظهر ، يرجع لى خالى المهر
أعرف اخوية انجتل ، باجر و راجن سبي
كومن فتاة النبي
